‘O Varo

M’arricorde comme si fosse mo’

chelli belle matine ca’ strignenne

‘a mane ‘e zi’ Vicenzina

assettate in prima fila

‘n’coppe ‘a banchina

vedeve  ‘a nave ca scennènne

faceva a’’o sole l’inchino.

‘Na festa era pe’ sta’ città

‘na ricorrenza a cui nun se puteve mai mancà,

tutte ‘e cape maste

‘a prore vestute a festa

accumpagnavene chianu chianu

‘sta nennella e ‘a  ‘mparavane a nata’.

‘O rituale era da copione,

sul grande palco tutte ll’autorità

ad ossequia’ ‘o deputato ‘e turne

che c’’a fascia tricolore

schiattave ‘na sciampagna

‘nfaccia ‘a poppa, ‘o Vescovo

cu’ ll’aspersorio ‘e ll’Acqua Santa

era pronte a battezza’.

‘O suone d’’a sirena, ‘o rintocco festoso d’’e campane  d’’o vescovado,

e ‘a nave comme si ne seguesse ‘o tiempe,

tutta agghindata ‘e mille bandiere culurate,

se menava (tuffava) p’’a primma vote spaccanne ‘o mare.

‘E grosse mareggiate sciacquavene

pe’  larghe e luonghe

l’immenso lungomare, ‘nfunnènne

‘e scarpe ‘e tutta ‘a gente,

pur anche del comandante che ‘mustato in alta uniforme

pe’ l’occasione stregneve dint’’e mmane ‘o gonfalone.

Ije comme a tante ati creature alluccavo a squarciagola

viva il cantiere navale, Viva Castiellammare.