di Giovanbattista Di Martino
Si nuje ca’ ‘ce sunnamme ciure e rose
Si nuje ca’ tenimme ogni cosa
Nuje ca’ ‘ce sentimme accussì forte
Araperesseme chiù spisse ‘a casciaforte
‘Sta casciaforte ca purtamme ‘mpiette,
sempre chiusa pe’ malizie o pe’ dispiette
Allora ‘ce addunasseme ca
chelle ca sta chiuse dinte ‘o core
nun so’ giuielle nun so’ tesore
ma sule chelle che serve
pe’ puté campa’
Amaro è amare
Chi dice ca ll’ammore è ddoce
nun sape che d’è ‘o vule’ bbene.
Ll’ammore è amaro, e quante chiù è amaro
tante chiu’ te ‘ntenerisce ‘o core,
e quanne chiù ddoce addevente ‘o core,
chiu’ amaro po’ è ‘o vule’ bene
Quanta malincunia se respira dinto all’aria ‘e sta città .
Pure Santu Catiello, affacciannese ‘a fenesta, cu’ ‘n’aria assaje funeste,
allucche e dice: e d’’a città ‘e cheste chelle che resta?
Guardo ‘o cielo e penso di Giovanbattista Di Martino
Guardo ‘o cielo e penso – Creata con l’A.I.
Se nun ‘ce stesse ‘a luna
comme s’appicciarrìano ‘e stelle?
E si nun s’appicciassene ‘e stelle
chi te farrìa luce dinte ‘o core?
‘O Varo
M’arricorde comme si fosse mo’
chelli belle matine ca’ strignenne
‘a mane ‘e zi’ Vicenzina
assettate in prima fila
‘n’coppe ‘a banchina
vedeve ‘a nave ca scennènne
faceva a’’o sole l’inchino.