‘E tterme ’e Castiellammare
di Giuseppe Caputo
‘E tterme ’e Castiellammare (cartolina d’epoca)
Si venite a cchesti tterme,
che delizia ca ce sta!
Stanno tanti ffuntanelle
e ogni cura se pò ffà.
Ce sta l’acqua d’’a Madonna,
ca fa subit’urina;
chi se veve ’a Stabia e ’a Media,
corre ampressa a gghì a ”sfratta’.
Certo, ognuno resta lieggio
e ringrazia ’sta città. Continua a leggere
Preg.mo Maurizio Cuomo alias Libero Ricercatore di Stabia. Innanzitutto voglio ringraziarla per l’opera che svolge con il suo sito ed ancora per la benevolenza con cui ha accolto le mie poesie…
Bonuccio Gatti
‘O Libbero Ricercatore ‘e Stabbia
Stu Sito l’aggio scuperto pe cumbinazione,
me n’ha parlato ‘n’amico ca sta ‘a parte ‘e fore,
ma vide ‘nu poco: è sempe ‘a solita canzone,
te ne vaje luntano, però ccà rummane ‘o core.
Ma quanti ccose ce stanno dint’a stu Sito,
dalle notizie storiche, alle foto, alle curiosità,
comodamente, muovendo sultanto ‘nu dito,
scopri tante cose interessanti della tua città!
È un’enciclopedia in rete di Castellammare,
per ogni tua domanda ‘a risposta sicuro sta ccà,
‘n’atu Sito accussì difficilmente lo potrai trovare;
stu Libbero Ricercatore overamente ce sape fà’!
Bonuccio Gatti
di Guglielmo Tommasino e Francesco Palmieri
da “Suonn’ ’e stu coreˮ
Cassarmonica – Cartolina d’epoca di Enzo Cesarano
I
Mare bello c’ abbraccia ʻo Paese
lungo ʻa curva cu ʻo vverde d’ ʻe monte,
Quisisana, ʻo Castiello, Puzzano,
“Siteˮ ʻe suonne ca fanno ʻncantà…
N’ aria pura, balsamica e ddoce
da millenne “miracoloˮ fa…
Rovigliano, ʻo Vesuvio,
ʻo Museo, Varano,
ʻa villa chiena d’ albere,
cu ʻa meglia Cassarmonica.
Tutt’ ʻe Cchiese, ʻe Cunvente…
Faito! ch’ è ʻncantesimo
cu ʻo Tempio ʻe San Michele,
nun se ponno scurdà!…
II
Scoglio di Rovigliano – una rara stampa di Gaetano Fontana
E quant’ acqua ca sorge e va a mmare …
tutte ʻnzieme è nu sciummo ʻe salute!
D’ ʻo Sularo, vicino Scanzano,
stanno è Terme ca fanno sanà…
ʻNce ristora stu clima d’ ammore
e che voglia ʻe vulé ricurdà…
Rovigliano, ʻo Vesuvio,
ʻo Museo, Varano,
ʻa villa chiena d’ albere,
cu ʻa meglia Cassarmonica.
Tutt’ ʻe Cchiese, ʻe Cunvente…
Faito! ch’ è ʻncantesimo
cu ʻo Tempio ʻe San Michele,
nun se ponno scurdà!…
di Francesco Palmieri da “Suonne e ricorde”
Suonno o fantasia, da una foto di C. Di Martino
ʻA sera, quanno sponta ʻa luna ʻncielo
e ʻo munno dorme, nu penziero strano
passa p’ ʻa mente… E ch’ è? Chisto ʻa do’ vene?
E che vo dì?… Mo ll’aria è ffresca e ffina.
ʻNcoppa Faito nu mantiello ʻargiento
allumma ʻo vverde, e pare ca ogni cosa,
pittata ʻe luce, parla… Na figliola
bella ʻe tant’anne fa (ma sarrà n’ ombra?,
nu suonno… nu suspiro?) … llà, me guarda,
speruta ʻe me… na vèsta cchiù celeste
d’ ʻo cielo a mmare… e ll’ uocchie, ahimé, doie perle…
ʻO nomme?… E chillo chiù chi sʻ ʻo ricorda!
Ma chi era? Quant’ anne? Che faceva?
ʻA vita è nu mistero!… Mo na foglia
vola pe’ ll’aria, sbanda, piglia ʻo viento
e s’alluntana a ll’ombra, addό s’addorme
stanca (n’ ʻa veco cchiù) ʻnfunno â vallata.
E intanto ʻa luna ride mmiezo ʻe stelle
p’ ʻe ffantasie d’ ʻa ggente. Ma me pare
na luna triste e comme rassignata:
quase pur’ essa nun ʻe ccrede cchiù!
Stabiese di nascita ed appassionato della sua terra natìa, questo poeta ha al
suo attivo, tra le altre, diverse pubblicazioni di scritti, racconti e di poesie
Acqua ‘e Castiellammare
( tratta da: M’arricorde )
L’acqua ferrata cartolina di Enzo Cesarano
‘Nce steva ‘na vota
na funtanella
ma nun jeveno a bevere ‘e paparelle!
Jeveno a bevere ‘e guagliuncielle
r”a Chiazza, ‘o Cugnulo, Licerte e ‘o cantiere!
Veneve ‘o passante
‘o furastiere.
Vevevene ‘e maste r”e cantiere!
‘E late, ‘o bancone cu giarre e limone!
Rossa a patrona, na piezza ‘e figliola!
Chi ‘a giarra ‘a usava
duje sorde custave,
e chi nun ‘e teneve ‘o stesse veveve!!! Continua a leggere