‘A sora grossa

è comme  ‘na mamma,

è ‘o ricorde ‘e mammete.

È chella ca te chiamme

ogni juorne pe’ sape’

si te serve quaccose,

si staje buone.

È chella ca nun caccia lacrime

ma ‘nsieme a te soffre dinte ‘o core.

T’è cunsigliére ‘ncoppe a ogni cosa

e te sta sempre vicine, …’e vote forse

troppo vicina.

Ma è fatte accussì, semplice,

verace, genuina, nun lascia

niente ca cammine,

si nun vede a luce da matine.

‘O scure ll’he sempre fatte paura,

si mancava ‘a luce, ‘e notte se scetave,

pure ‘o suonne insomma nun ‘a cummanava.

Qualcuno potrà pensare e ‘na rannate…

no è sule ‘na sore e ringrazio o padreterno

che me ll’ha data.