‘E Nepute
‘E Nepute
Si ve guarde me veco
Si parlate me sento
Si chiagnite m’astregne
Si redite… io pure ride
Si nun ve veco
D’’e carne vostre
ne sente addore
‘n’addore
ca trase dint’’o core
cu’ tutte ‘o calore.
Calore ca pensave
‘e nun sentì mai cchiù.
Site luce dint’’o scure
site fari dint’’e tempeste
Site vuje… sule vuje
capace ‘e cagna’ ‘e ‘stu core ‘e vveste.
Me dice quaccheduno
ca ije v’accuntente sempe
pronto a di’ ‘e si ‘ncopp’a ogni cosa
scurdànneme comme se dice no!
Che vulite ‘o ssaccio sbaglio tanto
ma senza ‘e nepute nun saccio stà,
quanno sto cu’ lloro sò cuntento…
pecchè ‘e nepute sò ‘a felicità!.
Solo una persona con una profondità d’animo immensa può scrivere queste parole e riuscire a colpire chi legge.
Un sentimento bellissimo scaturisce la lettura di questi versi che sicuramente colpisce maggiormente chi già vive l’essere nonno
Bravissimo Giovanni
L’amore per I figli è dettato anche dalla responsabilità nei loro riguardi, l’amore per I nipoti è solo amore