Malincunia

Quanta malincunia se respira dinto all’aria ‘e sta città .

Pure Santu Catiello, affacciannese ‘a fenesta, cu’ ‘n’aria assaje funeste,

allucche e dice: e d’’a città ‘e cheste chelle che resta?

Io pensavo ca ‘o tuorte ll’avessere fatte sule a mme

Santo Patrono, nun vedenne chiù ll’autorità in processione,

ma a chello che veco cca non si è fatta alcuna distinzione,

stanne purtanne senza pietà ‘stu paese all’estinzione.

Eh no io aggi’’a parla’ subbete c’’o Padreterno, Isse ca tutte po’ m’adda truva’ ‘na soluzione.

È accussì Catielle subbete sagliètte a’’o piane ‘e coppe,

‘a ggente ca truvaje in fila era tante, ma nun se perdette

d’anime, e vuttanne a quaccheduno, quacche atu santo

primm’’e matine se truvaje ‘a nanze a tutte quante.

E quanne fu ll’ora ca s’araprette ‘o purtone

fu ‘o primme a se addunucchia’ annanze a’‘o Redentore.

Cercanne e nasconnere ‘a commozione, e cu’ tanta preoccupazione,

Catiello spiegaje pe’ filo e pe’ segno ogni punto d’’a questione.

‘O Padreterno ascoltò con molta oculatezza, pensaje poco e niente, e po’ dicette.

Catie’ mo’ ca m’arricorde, quanne facette ‘o munne

proprio a stu’ paese lasciaje ogni bellezza,

vuo’ vede’ ca mo’ ‘a colpa è ‘a mia si navigate dint’’a munnezza?

Di quelle fonti ne ricordo ancora la freschezza, e ‘a Cassarmonica, maestosa e chiena ‘e bellezza,

per non parlare poi dell’aria fresca e sana ca ‘nce mettette ‘ncopp’’a cullina  a Quisisana.

Ije capische tu vulisse sana’ ‘sti male azione, ma t’assicure nemmeno  ‘nu miracule po’ sana’ ‘a questione, l’unica cosa ca te pozze cunsiglia’ mo’ ca scinne abbascie,

cagne ‘o core ‘e chella gente, ca ancora fa ‘o mmale a ‘sta città.